Palazz Ta’ Kaspru li kien ta’ xi familja sinjura ta’ żminijiet passati. Fih stil arkitettoniku b’saħħtu, element li jista’ joffri xi forma ta’ protezzjoni minn inkursjonijiet barranin tal-passat speċjalment minn korsari Musulmani.

Huwa maħsub li dan il-palazz inbena madwar is-sena 1621 billi bbażat din is-suppożizzjoni fuq id-data li tidher fuq bieb tal-ġenb ta’ dan il-bini. Wieħed jista’ jara wkoll l-ittri ‘IHS’ fuq din l-istess daħla, dawn huma l-ewwel tliet ittri Griegi għal ‘ĠESÙ’.

Saru xi alterazzjonijiet matul is-snin kif jidher minn ħarsa mill-qrib lejn il-bini. Il-Palazz ‘Ta’ Kaspru’ illum jinsab f’żona mibnija u sar parti mill-ambjent urban. Iżda fil-passat żgur kien ikkmanda dehra aktar imponenti peress li ħafna mill-art ta’ madwarha kienet magħmula minn għelieqi b’Ta’ Kaspru f’nofs.